((( كل دقيقه شاعر )))
كل دقيقه شاعر نازل ع الساحه بزباين
فرح والكل بيجامل مستغرب ومش متحامل
كل اللى بيكتب منشور خلها قصيده المغمور
وعملها حكايه وروايه وسجلها بصوته
وف الفيديو عامل مشهور
بيرد عليه واحد صاحبه
بيسانده وبيمدح فيه قال له ياصديقى مشكور
لخص حروفه وكلماته ف سطر ولحن الفرفور
بيحكى عن وجعه وفراقه وهجر حبيبه
اللى سابه وبيكشف عنه المستور
رجعت كلامه نفس كلامنا
ع نفس النغمه والمعنى فين أضافتك
عاميه وسهله مش صعبه
مليون شاعر قبلنا قالها وف عصر قديم
أتكلم يابنى بطبعتك بتغير ليه فيها صوتك
وبتعوج لسانك باللهجه وتعطش الجيم مأضفتش كتير
وكأن الشعر له لهجه واحده والباقى مكسح وعويل
نزلت أفيش وخلفيه وعملت فيديو للشخصيه
مع عود بيدندن وكمنجه بعزف حزين وعايشنى وعيش
وفتحت قناتك ومليتها قصايد ومستنى الشهره
ياترى هتجيلك ولا مهتجيش
تعال ياود صورنى أتمشى شويه ف الشارع
أووسط الزرع أعمل منظرصمم لى أفيش
ووعدته بجاكيت وقميص
صراحه سهله الشغلانه تنزل فيديوا وتتكلم
وتقول أنا ف الشعر هويس
أنا شاعر حكمه وف عصرى أنا رقم واحد ف الصنعه
مش شايف غيرى ع الساحه ومليش منافس وطبعا أكيد مليش
دا الكل بقى شاعر عاميه ملوخيه
وحبة تقليه وتسوى الطبخه ع نار هديه وصياغه مفيش
كلمات قديمه ومتهلكه قصيده وفقده أركانها والنظم قريش
ودا كاتب ملك العاميه وسلطانهاوأنا اللى فاهم أوجاعها
ياأخى روح شوف لك غيرها
ملايين بتكتب رسايلها ع الشعر الله يعنها
بقيت صنعة جيل والشعرا بيعنها كرمش الفكه وأديله حبة بقشيش
لوكاتب للشهره مش هتنولها الشهره مبتجيش للى عايزها وبينفش ريش
صدقنى أكتب بتواضع أتعلم وصحح راجع أستمتع بالحرف وبالكلمه وبدون تطبيل
كلمات/محمود صلاح السيد 23/4/2020
